போலியான அடையாள அட்டையொன்றைப் பயன்படுத்தி தனியார் வங்கியொன்றில் 34 லட்சம் ரூபா கடன் பெற்றுக் கொண்டிருந்த சிரேஷ்ட காவல்துறை அத்தியட்சகர் ஒருவர் கைது செய்யப்பட்டுள்ளார்.
ஓய்வுபெற்ற சிரேஷ்ட காவல்துறை அத்தியட்சகர் வசந்த கபுகொட்டுவ என்பவரே கொழும்பில் வைத்து நேற்றிரவு (14) இவ்வாறு கைது செய்யப்பட்டுள்ளார்.
பிரபலமான தனியார் வங்கியொன்றில் போலி அடையாள அட்டை மூலம் வங்கிக் கணக்கு ஒன்றை ஆரம்பித்துள்ள அவர், அதன் பின்னர் அதே அடையாள அட்டையைப் பயன்படுத்தி எச்.எஸ்.பி.சி. வங்கியில் 34 லட்சம் ரூபா கடன் பெற்றுக் கொண்டுள்ளார்.
சம்பவம் தொடர்பான விசாரணைகளை மேற்கொண்டு வந்த கொழும்பு மோசடித் தடுப்புப் பிரிவின் காவல்துறையினர், நேற்றிரவு ஓய்வுபெற்ற சிரேஷ்ட காவல்துறை அத்தியட்சகர் வசந்த கபுகொட்டுவையை கைது செய்துள்ளனர்.
அதனையடுத்து நீதிமன்றத்தில் முன்னிலை செய்யப்பட்ட அவர் ஐம்பது லட்சம் ரூபா இரண்டு சரீரப் பிணைகளில் விடுதலை செய்யப்பட்டுள்ளார்.
