பண்டகாலமாக பாடசாலை மாணவர்களை இலக்கு வைத்து போதைப் பொருள்களை நுட்பமாக விநியோகித்து வந்த இரு சந்தேக நபர்களை சாய்ந்தமருது பொலிஸார் கைது செய்துள்ளனர்.
நேற்று முன்தினம் இரவு கல்முனையில் வைத்து இவர்கள் கைது செய்யப்பட்டனர். அவர்களிடம் இருந்து
ஹெரோயின் போதைப் பொருளும் கைப்பற்றப்பட்டது.
மாறுவேடத்தில் இருந்த பொலிஸாரே இவர்களை கைது செய்தனர். கைதானவர்களிடம் இருந்து 3 கிராமும்
170 மில்லி கிராம் ஹெரோயின் கைப்பற்றப்பட்டது. சிறு சிறு பைக்கெற்றுகளில் அடைக்கப்பட்டு இவை மாணவர்களுக்கு விநியோகிக்கப்பட இருந்தது என்று தெரிவிக்கப்பட்டது.
அத்துடன் வீடுகளில் சிலர் வளர்ப்பு புறாக்களின் ஊடாக போதைப்பொருட்களை கடத்தும் முயற்சியிலும் ஈடுபட்டுள்ளனர். இந்த விடயம் தொடர்பாகசாய்ந்தமருது பொலிஸாரிடம் தகவல்கள்
வழங்கப்பட்டுள்ளமை சுட்டிக்காட்டத்தக்கது.
