மட்டக்களப்பு குருக்கள் மடம் பிரதான வீதியில் சற்றுமுன்னர் விபத்து ஒன்று இடம்பெற்றுள்ளதாக அறியமுடிகிறது.
சுசுக்கி ரக வெகனார் காருக்கும்,இலங்கை போக்குவரத்து சபைக்கு சொந்தமான பேருந்துக்குமிடையில் இந்த விபத்து இடம்பெற்றுள்ளதாக அறியமுடிகிறது.
விபத்தின் காரணமாக காரின் பின்புறம் முற்றாக நசுங்கி சேதமடைந்துள்ளதுடன்,தாக்கப்பட்ட வேகத்தின் காரணமாக கார் வீதியோரத்தில் சரிந்து கிடப்பதையும் மற்றும் பேருந்தின் ஒருபுறம் முற்றாக சேதமடைந்திருப்பதையும் காணக்கூடியவாறு இருந்தது.
விபத்துக்கான சரியான காரணங்கள் இதுவரை கிடைக்கப்பெறவில்லை என்பதுடன்,வாகனங்களில் பயணித்தவர் தொடர்பிலும் போதுமான தகவல்கள் கிடைக்கப்பெறவில்லை.
இந்த விபத்து தொடர்பான மேலதிக விசாரணைகளை களுவாஞ்சிகுடி பொலிஸார் மேற்கொள்வதுடன்,விபத்துக்கான காரணம் பஸ் சாரதிதான் என்றும் சில பொதுமக்கள் கருத்து தெரிவிக்கின்றனர்.
