தந்தையின் தாகம் தீர்க்க தென்னை மரம் ஏறிய மகன்; பரிதாபகரமாக உயிரிழந்த சித்தாண்டி இளைஞன்!

தந்தையின் தாகம் தீர்ப்பதற்காக இளநீர் பறிப்பதற்காக தென்னை மரத்தில் ஏறிய 21வயது இளைஞன் தவறி விழுந்து உயிரிழந்தார்.

கடந்த ஞாயிற்றுக்கிழமை தந்தையும் மகனும் சித்தாண்டியிலுள்ள மரக்கறி விற்பனை நிலையத்துக்கு சென்றனர். தந்தைக்கு உடற்சோர்வும் களைப்பும் ஏற்பட்டிருந்தது. இதனால், அவரின் தாகத்தை தணிக்க அருகிலுள்ள சுமார் 20 அடி உயரமுள்ள தென்னை மரத்தில் இளநீர் பிடுங்குவதற்காக இளைஞர் மரத்தில் ஏறினார். மரத்தின் உச்சியை எட்டிய நிலையில் அவர் தவறி விழுந்தார்.

கீழே விழுந்தவரை உடனடியாக மாவடிவேம்பு மருத்துமனையில் சேர்க்கப்பட்டு, மேலதிக சிகிச்சைக்காக மட்டக்களப்பு போதனா மருத்துவமனையில் சேர்க்கப்பட்டார். ஆனால், அவர் சிகிச்சை பலனின்றி அங்கேயே மரணமானார்.