ஒன்பதாவது ஆசிய மகளிர் கிண்ண தொடரில் இலங்கை அணி 08 விக்கட்டுக்கள் வித்தியாசத்தில் வெற்றி பெற்றுள்ளது.
ரங்கிரி தம்புள்ளை கிரிக்கெட் மைதானத்தில் இடம்பெற்ற இந்த போட்டியில் நாணய சுழற்சியில் வெற்றிப்பெற்ற இந்திய மகளிர் அணி முதலில் துடுப்பெடுத்தாட தீர்மானித்தது.
இந்தநிலையில் இந்திய அணி நிர்ணயித்த 166 என்ற வெற்றியிலக்கை கடந்த இலங்கை அணி ஒன்பதாவது ஆசிய மகளிர் கிண்ணத்தை தன்வசப்படுத்தியுள்ளது.
அதாவது இந்திய அணியுடனான ஆசிய கிண்ண இறுதிப் போட்டியில் இலங்கை மகளிர் அணி, வரலாற்றில் முதல் தடவையாக வெற்றி பெற்று கிண்ணத்தை தனதாக்கிக் கொண்டுள்ளது.
அதேசமயம் ஆசிய கிண்ணத்தை கைப்பற்றிய இலங்கை மகளிர் அணிக்கு, ஜனாதிபதி ரணில் விக்ரமசிங்க வாழ்த்து தெரிவித்துள்ளார் என்பதும் குறிப்பிடத்தக்கது.
