ரஷ்யாவின் தென்பகுதியில் பயணிகள் ரயில் ஒன்று கனரக வாகனத்தின் மீது மோதி விபத்துக்குள்ளானதில் சுமார் 140 பேர் காயமடைந்துள்ளனர்.
கனரக வாகனம் தண்டவாளத்தைக் கடக்கும்போது இந்த விபத்து நேர்ந்துள்ளதாக வெளிநாட்டு செய்திகள் தெரிவிக்கின்றன.
விபத்தின்போது ரயிலில் 800 பயணிகள் இருந்துள்ள நிலையில், சுமார் 140 பேர் காயமடைந்துள்ளதாக தெரிவிக்கப்படுகின்றது. காயமடைந்தவர்களில் 15 குழந்தைகள் உட்பட 30 பேர் வைத்தியசாலையில் சிகிச்சைக்காக அனுமதிக்கப்பட்டுள்ளனர்.
ரயிலின் 7 பெட்டிகள் தடம் புரண்டுள்ள நிலையில், மீட்புப் பணிகள் இடம்பெற்று வருகின்றன.
