கல்விப் பொதுத்தராதர உயர்தரப் பரீட்சையின் முக்கியமான படங்கள் உட்பட 40 பாடங்களின் விடைத்தாள்களை மதிப்பீடு செய்யும் பணிகள் நாளையதினம் (15) ஆரம்பிக்கப்படவுள்ளதாக பரீட்சைகள் திணைக்களம் அறிவித்துள்ளது.
நாடு முழுவதும் உள்ள 39 மதிப்பீட்டு நிலையங்களில், 519 மதிப்பீட்டு பணிகளை செய்யும் குழுக்களுடன் விடைத்தாள்கள் மதிப்பீடு செய்யும் பணிகள் முன்னெடுக்கப்படவுள்ளதாக கூறப்பட்டுள்ளது.
ஜூலை 4 ஆம் திகதி வரை 18 நகரங்களில் உள்ள பாடசாலைகளை பயன்படுத்தி விடைத்தாள் மதிப்பீடு செய்யும் பணிகள் மேற்கொள்வதற்கு திட்டமிடப்பட்டுள்ளது.
குறித்த மதிப்பீட்டுப் பணிகள் முடிவடைந்த பின்னர் உயர்தர ஆங்கில மொழி மூலமான விடைத்தாள்களை மதிப்பீடு செய்யும் பணிகள் ஆரம்பிக்கப்படும் என பரீட்சை திணைக்களம் அறிவித்துள்ளது.
