கொழும்பு மகசீன் சிறைச்சாலையில் உள்ள சிறைச்சாலை கண்காணிப்பாளர் ஒருவரிடமிருந்து நேற்று (30) புகையிலை கைப்பற்றப்பட்டுள்ளதாகச் சிறைச்சாலை ஆணையாளர் காமினி பீ. திஸாநாயக்க தெரிவித்துள்ளார்.
சந்தேக நபர் நேற்று (30) பிற்பகல் 02.15 மணியளவில் கொழும்பு மெகசீன் சிறைச்சாலைக்குள் வருகை தர முயன்ற போது சிறைச்சாலை அதிகாரிகளால் சோதனைக்குட்படுத்தப்பட்டுள்ளார்.
இதன்போது, சந்தேக நபர் அணிந்திருந்த பாதணியிலிருந்து மிகவும் சூட்சுமமான முறையில் மறைத்து வைக்கப்பட்டிருந்த புகையிலை கைப்பற்றப்பட்டுள்ளது.
சந்தேக நபர் சுமார் 30 ஆண்டு காலமாகச் சிறைச்சாலை கண்காணிப்பாளராக பணியாற்றி வருவதாக விசாரணையில் தெரியவந்துள்ளது.
இதனையடுத்து, சந்தேக நபரான சிறைச்சாலை கண்காணிப்பாளர் பணி இடைநீக்கம் செய்யப்பட்டுள்ளதாகச் சிறைச்சாலை ஆணையாளர் காமினி பீ. திஸாநாயக்க மேலும் தெரிவித்துள்ளார்.
