மைக்ரோசொப்ட் இயங்குதளத்தில் மீண்டும் பிரச்சனை ஏற்பட்டு, சுமார் 10 மணி நேரம் பயனர்கள் பாதிக்கப்பட்டதாகத் தகவல்கள் தெரிவிக்கின்றன.
மைக்ரோசொப்ட் நிறுவனத்தின் தயாரிப்புகளான அவுட்லுக் மற்றும் வீடியோ கேம் மினிகிராஃப்ட் போன்றவை உலகளவில் முடங்கியதாகக் கூறப்படுகிறது.
இது குறித்து மைக்ரோசொப்ட் நிறுவனம் அளித்திருக்கும் விளக்கத்தில்,
மைக்ரோசொப்ட் நிறுவன தயாரிப்புகளில் ஏற்பட்ட சிக்கல்கள் சரி செய்யப்பட்டுள்ளன, முதற்கட்ட விசாரணையில், இந்த பிரச்சனைக்கு சைபர் – தாக்குதல் காரணமாக இருக்கலாம் என்று தெரிய வந்திருப்பதாகவும், சைபர் தாக்குதலை எதிர்கொள்ளத் தவறியது குறித்து விசாரிக்கப்படுவதாகவும் குறிப்பிட்டுள்ளது.
இந்த மைக்ரோசொப்ட் பிரச்சினை சுமார் 10 மணி நேரம் நீடித்ததாகவும், மைக்ரோசொப்ட் சேவைகள் தொடர்பாக சுமார் பத்தாயிரம் பயனர்கள் புகார் அளித்ததாகவும் கூறப்படுகிறது.
தற்போது ஏற்பட்ட சிக்கலின்போது, மைக்ரோசொப்டின் 365 மற்றும் கிளவுட் சேவைகளை பயன்படுத்துவதில் பயனர்கள் சிரமத்தை சந்தித்ததாகவும், சிக்கலைக் குறைக்க ரீ ரௌட்டட் செய்து இருக்கிறோம் என்றும் தெரிவிக்கப்பட்டுள்ளது. ஆனால், இந்த மாற்று ஏற்பாடு பலருக்கும் பயன்படவில்லை என்றும் கூறப்படுகிறது.
