மாளிகாவத்தை பகுதியில் கட்டடம் ஒன்றில் தீ விபத்து!

கொழும்பு – மாளிகாவத்த பிளேஸ் வீதியில் பகுதியில் கட்டடம் ஒன்றில் தீ விபத்து ஏற்பட்டுள்ளது.

குறித்த தீ விபத்து நேற்று (01) பிற்பகல் 05 மணியளவில் ஏற்பட்டுள்ளது.

வியாபார நிலைய கட்டிடமொன்றில் ஏற்பட்ட தீவிபத்து காரணமாக அக்கட்டிடத்தின் 2 வது மற்றும் 3 வது மாடி முற்றாக சேதமடைந்துள்ளதாக எமது செய்தியாளர் தெரிவித்துள்ளார்.

எனினும், தீ விபத்தினால் உயிர்சேதம் எதுவும் ஏற்படாத நிலையில் அங்குள்ள பொருட்களுக்கு பாரியளவில் சேதம் ஏற்பட்டுள்ளது.

இந்தநிலையில், 3 தீயணைப்பு வாகனங்கள் விரைவாக செயற்பட்டு தீயை கட்டுப்பாட்டுக்குள் கொண்டுவந்துள்ளனர்.

இது தொடர்பில் மேலதிக விசாரணைகளை காவல்துறையினர் மேற்கொண்டு வருகின்றனர்.