நீர்கொழும்பில் உள்ள தங்கக் கடையொன்றில் இருந்து 15 கிலோ வெள்ளி, 15 இரத்தினக் கற்கள் மற்றும் இரண்டு தங்க மாலைகள் திருடப்பட்டுள்ளதாக நீர்கொழும்பு காவல்துறையினர் தெரிவித்துள்ளனர்.
நீர்கொழும்பு பெரியமுல்ல பிரதேசத்தில் வர்த்தகர் ஒருவர் செய்த முறைப்பாட்டின் அடிப்படையில் விசாரணைகள் ஆரம்பிக்கப்பட்டுள்ளது.
இதன் படி, திருடப்பட்ட பொருட்களின் பெறுமதியை காவல்துறையினர் மதிப்பிட்டு வருவதாக தெரிவிக்கப்படுகிறது.
இந்த நிலையில், சந்தேகநபர்களை பாதுகாப்பு கமராக்கள் மூலம் கண்டறியும் நடவடிக்கையில் காவல்துறையினர் ஈடுபட்டுள்ளதாக தெரிவித்துள்ளனர்.
சம்பவம் தொடர்பான மேலதிக விசாரணைகளை நீர்கொழும்பு காவல்துறையினர் மேற்கொண்டு வருகின்றனர்.
