பத்தரமுல்லையில் நபரொருவர் கழுத்தறுத்து கொலை; சந்தேக நபர் கைது!

பத்தரமுல்லை, அருக்பிட்டியவில் முச்சக்கரவண்டி திருத்தும் கடைக்கு முன்பாக முச்சக்கரவண்டி சாரதி ஒருவரை கழுத்தை அறுத்து கொன்ற சந்தேக நபரை கைது செய்துள்ளதாக தலங்கம பொலிஸார் தெரிவிக்கின்றனர்.

தலவத்துகொட ஊதும் கந்த வீதியைச் சேர்ந்த ஐ.எல்.எஸ்.பிரியதர்ஷன என்ற 45 வயதுடைய நபரே உயிரிழந்துள்ளார்.

இறந்தவர் சந்தேகநபரிடம் பணம் பெற்றுக் கொண்டு அதனைத் திருப்பிக் கொடுக்காததில் ஏற்பட்ட தகராறில் இருவருக்கும் இடையில் ஏற்பட்ட வாக்குவாதத்தில் சந்தேகநபர் உயிரிழந்தவரின் கழுத்தை கத்தியால் அறுத்து விட்டு தப்பிச் சென்றுள்ளதாக பொலிஸார் தெரிவிக்கின்றனர்.

கைது செய்யப்பட்ட சந்தேக நபர் பத்தரமுல்லை தெற்கு தலங்கம தேவால வீதியைச் சேர்ந்த 31 வயதுடையவர் என தெரிவிக்கப்பட்டுள்ளது.