திருகோணமலை கிண்ணியா பொலிஸ் பிரிவுக்குட்பட்ட ஆலங்கேணி பாலத்துக்கு அருகில் உள்ள ஆற்றில் ஆண் ஒருவரின் சடலம் ஒன்று இன்று (20) செவ்வாய்க்கிழமை மீட்கப்பட்டுள்ளதாக பொலிஸார் தெரிவித்தனர்
இவ்வாறு உயிரிழந்தவர் ஐந்து பிள்ளைகளின் தந்தையான கிண்ணியா நகர் பகுதியைச் சேர்ந்த முகமட் லெப்பை முபாரக்(வயது 62) என பொலிஸார் தெரிவித்தனர்.
ஆலங்கேணி பாலத்துக்கு அருகில் ஆற்றில் மிதந்து கிடந்த சடலத்தை கிண்ணியா திடீர் மரண விசாரணை அதிகாரி மௌலவி எம்.எஸ் ஷாபி நேரில் சென்று பார்வையிட்டதுடன், நெற்றியில் காயம் ஏற்பட்டுள்ளதால் பிரேத பரிசோதனைக்காக திருகோணமலை பொது வைத்தியசாலைக்கு கொண்டு செல்லுமாறு பொலிஸாருக்கு கட்டளையிட்டார்.
குறித்த மரணம் தொடர்பில் கிண்ணியா பொலிஸார் விசாரணைகளை மேற்கொண்டு வருகின்றனர்.
