எனது கட்சிக்கு எதிர் வரும் பாராளுமன்ற தேர்தலில் பொது மக்கள் பெரும் ஆதரவு தருமிடத்து, எதிர்காலத்தில் தமிழ் மக்களின் அரசியல் தீர்வுகளை நிச்சயமாக பெற்றுக்கொடுப்பேன் என கடற்தொழில் அமைச்சர் டக்ளஸ் தேவானந்தா தெரிவித்துள்ளார்.
மட்டக்களப்பு மாவட்டத்திற்கு விசேட விஜயம் ஒன்றை மேற்கொண்ட கடற்தொழில் அமைச்சர் டக்ளஸ் தேவானந்தா களுதாவளைக்கு சென்றிருந்த போதே மேற்கணடவாறு தெரிவித்தார்.
களுதாவளை அருள்மிகு சுயம்புலிங்க பிள்ளையார் ஆலயத்தில் இடம்பெற்ற விசேட பூஜை வழிபாடுகளின் பின்னர் , களுதாவளை ஆரம்ப சுகாதார மருத்துவ பிரிவு வைத்தியசாலையிற்கு சென்று வைத்தியசாலையின் குறைபாடுகளை கேட்டறிந்ததார்.
பின்னர் களுதாவளையில் மூடப்பட்ட நிலையில் காணப்படும் விசேட பொருளாதார மத்திய நிலையத்தை பார்வையிட்டதுடன், இதனை வெகு விரைவில் ஆரம்பிப்பதற்குரிய வேலைகளை முன்மொழிவதாகவும் ஊடகங்களுக்கு கருத்து தெரிவித்தார்.
