சுற்றுலா செல்வதற்காக கலஹா பிரதேசத்தைச் சேர்ந்த இளைஞர்கள் நான்கு பேர் பயணித்த முச்சக்கரவண்டி பாதையை விட்டு விலகி வீடொன்றின் மீது விழ்ந்து விபத்திற்குள்ளானதில் இளைஞர் ஒருவர் உயிரிழந்துள்ளதுடன் மூவர் காயமடைந்த நிலையில் கலஹா வைத்தியசாலையில் அனுமதிக்கப்பட்டுள்ளனர்.
குறித்த விபத்தில் கலஹா வெதஹெட்ட கிராமத்தைச் சேந்த உடுதெனியேகெதர கவிந்துரொசான் பிரேமவன்ச என்ற 24 வயது இளைஞரே உயிரிந்துள்ளார்.
கலஹா பிரதேசத்தைச் சேர்ந்த 11 பேரடங்கிய இளைஞர்கள் குழுவொன்று திருகோணமலைக்கு சுற்றுலா செல்லும் நோக்கில் வேன் ஒன்றினை ஏற்பாடு செய்துள்ளனர். மேற்படி குழுவினருடன் இணைந்து கொள்தற்காக இன்று (13) அதிகாலை கலஹா நகரில் இருந்து இரண்டு கிலோமீற்றர் தூரத்தில் அமைந்துள்ள வெதஹெட்ட பிரதேசத்திலிருந்து முச்சக்கர வண்டியில் நகரை நோக்கி பயணித்த சந்தர்பத்திலேயே மேற்படி விபத்து ஏற்பட்டுள்ளது.
உயிரிழந்த நபருக்கு சொந்தமான மேற்படி முச்சக்கர வடியினை அவரின் சகோதரரே செலுத்தி சென்ற சந்தர்ப்பத்தில் நித்திரை வந்ததன் காரணமாகவே இந்த விபத்து இடம்பெற்றுள்ளதாக பொலிஸார் தெரித்தனர்.
உயிரிழந்தவரின் சடலம் கலஹா வைத்தியசாலையில் வைக்கப்பட்டுள்துடன் பிரதே பரிசோதனைக்காக சடலம் பேராதனை வைத்தியாசாலைக்கு கொண்டு செல்ல ஏற்பாடுகள் செய்யப்பட்டுள்ளது.
இந்நிலையில் குறித்த சம்பவம் தொடர்பில் கலஹா பொலிஸார் மேலதிக விசாரணைகளை மேற்கொண்டு வருகின்றனர்.
