சிறுவர் கல்வி மேம்பாட்டமைப்பின் கீழ் இயங்கும் திருகோணமலை மாவட்டம் மூதூர் பிரதேசத்தில் உள்ள இறால் குழி கஜமுகா பாலர் பாடசாலை கட்டட புனர்நிர்மாண வேலைகள் முடிவடைந்த நிலையில், அது கடந்த 09/09/2024 அன்று கற்றல் செயற்பாட்டுக்காக பாடசாலை நிர்வாகத்தினரிடம் உத்தியோகபூர்வமாக கையளிக்கப்பட்டது.
இந்நிகழ்வில் பிரதேச செயலாளர், முன்பள்ளி கல்வித் திணைக்கள அதிகாரிகள், கிராமசேவையாளர், கஜமுகா பாடசாலை அதிபர், வைத்திய அதிகாரி, சிறுவர் கல்வி மேம்பாட்டு அமைப்பின் உறுப்பினர்கள், பெற்றோர்கள், பிரதேச சபை உறுப்பினர்கள் என பலர் கலந்து கொண்டிருந்தனர்.
இக் கட்டட புனர்நிர்மாணத்திற்கான நிதி பங்களிப்பு 1982ம் ஆண்டு யாழ் இந்துக்கல்லூரி உயர்தர மாணவர்கள் வழங்கி வைத்திருந்ததுடன் இந்த பங்களிப்பின் சார்ப்பாக வைத்தியர் k. விஜயகுமார்(MOH Trincomalee) சமூகமளித்திருந்தததுடன் . இம்முன் பள்ளிக்கான அனுசரணையினை இலண்டனை சேர்ந்த k. விஜேந்திரன் வழங்கியிருந்தார்.
மாணவர்களது வரவேற்பு நடனம் மற்றும் நிகழ்வுகளுடன் ஆரம்பமான இக்கட்டட கையளிப்பானது சிறப்பாக நடைபெற்றதுடன், அதிகாரிகளுக்கு அன்றைய தினம் நினைவுச் சின்னங்களும் (FACE) பேஸ் அமைப்பினால் வழங்கி வைக்கப்பட்டது.
