தெஹியோவிட்ட தெபேகம பிரதேசத்தில் மேற்கொள்ளப்பட்ட சுற்றிவளைப்பின் போது, ஐஸ் போதைப்பொருளும் ஆயுதங்களையும் வைத்திருந்த இரு இளைஞர்களை கைதுசெய்துள்ளதாக தெஹியோவிட்ட பொலிஸார் தெரிவித்தனர்.
வீதிச் சோதனையின் போது குறித்த நபர்களை பொலிஸார் கைதுசெய்துள்ளனர்.
சந்தேக நபரொருவரின் வீட்டிலிருந்து வேட்டையாடக் கூடிய 6 வாள்கள், அவரால் தயாரிக்கப்பட்ட மூன்று வாள்கள், வாள் தயாரிக்கும் வெள்ளை இரும்புத் தகடுகள், இரும்பு வெட்டும் இயந்திரம், இரண்டு தடை செய்யப்பட்ட கத்திகள் மற்றும் வாள் தயாரிப்பதற்குப் பயன்படுத்தப்படும் ஏராளமான உபகரணங்களும் பொலிஸாரால் கைப்பற்றப்பட்டன.
அல்கொட மற்றும் முருத்தெட்டுவ பிரதேசத்தை சேர்ந்த 21 வயதுடைய இரு இளைஞர்களையே இவ்வாறு கைதுசெய்யப்பட்டுள்ளனர்.
இச்சம்பவம் தொடர்பில் மேலதிக விசாரணைகளை தெஹியோவிட்ட பொலிஸார் மேற்கொண்டு வருகின்றனர்.
