மட்டக்களப்பு வாகரை பிரதேசத்தில் சின்னத்தட்டுமுனையில் நேற்றுமுன்தினம் (6) இரவு இடம்பெற்ற இடியுடன் கூடிய மின்னல் தாக்கத்தினால் கால்நடைகள் சில உயிரிழந்துள்ளதாக வாகரை பொலிசார் தெரிவித்தனர்.
சின்னத் தட்டுமுனை கால்நடை பண்ணையாளரின் மாடுகள் ஆற்றை அண்மித்த பகுதியில் மேச்சலுக்காக கட்டப்படுவது வழக்கமாகும். நேற்றுமுன்தினம் இரவு வேளையில் திடிரென ஏற்பட்ட மின்னல் தாக்கத்தின் காரணமாக 4 மாடுகள் பரிதாபகரமாக உயிரிழந்துள்ளன.
அத்துடன் வாழைச்சேனையில் பல பகுதிகளில் உள்ள வீடுகளில் மின்சாரப் பொருட்கள் பல சேதமடைந்துள்ளதாக பாதிக்கப்பட்டவர்கள் கவலை தெரிவித்தனர்.
அதேசமயம் கிழக்கில் தற்போது பருவபெயர்ச்சி மழை காலம் ஆரம்பிக்கப்பட்டுள்ளது. இதனால் மாலை வேளைகளில் இடியுடன் கூடிய மழை பெய்து வருகின்றமை குறிப்பிடத்தக்கது.
