பாலஸ்தீன யுத்தம் ஆரம்பித்து ஓராண்டு நிறைவு; யுத்தத்தை நிறுத்துமாறு கோரி மட்டக்களப்பில் அமைதிப் பேரணி!

பாலஸ்தீன காஸா மீது இஸ்ரேல் தாக்குதலை ஆரம்பித்து நேற்றுடன் ஓராண்டு நிறைவடைந்துள்ளது.

இதனையொட்டி பலஸ்தீன மக்கள் மீதான தாக்குதலை நிறுத்தக் கோரி மட்டக்களப்பு நகரில் நேற்று காலை தமிழ் முஸ்லிம் பெண்களினால் அமைதி பேரணி நடைபெற்றது.

மட்டக்களப்பு லேடி மெனிங் ட்ரைவ் அந்தோனியார் தேவாலயத்திற்கு முன்னால் ஆரம்பமான அமைதிப் பேரணி பார் வீதி, திருமலை வீதியூடாகச் சென்று மட்டக்களப்பு மகாத்மா காந்தி பூங்காவை அடைந்தது.

இவ் பேரணியில் சமுக செயற்பாட்டாளர்களான தட்சனா மூர்த்தி சாரதாதேவி, திருமதி அனீஸா பிர்தௌஸ் உட்பட பலரும் கலந்து கொண்டனர்.

பேரணியை முன்னிட்டு பொலிஸ் பாதுகாப்பு ஏற்பாடுகள் செய்யப்பட்டிருந்தமை குறிப்பிடத்தக்கது.