காத்தான்குடி நோக்கி பயணித்த பஸ் பாலத்தை உடைத்துக்கொண்டு ஆற்றில் வீழ்ந்து விபத்து; மீட்பு பணிகள் தீவிரம்!

மன்னம்பிட்டி ஆற்றில் பேருந்து வீழ்ந்ததில் 9 பேர் உயிரிழப்பு 20 பேர் படுகாயம்.

பொலன்னறுவை கதுருவெலவில் இருந்து காத்தான்குடி நோக்கி பணித்த தனியார் பஸ்வண்டி ஒன்று சற்று முன்னர் இரவு 8 மணியளவில் மன்னம்பிட்டி பாலத்தை உடைத்துக் கொண்டு ஆற்றில் வீழ்ந்து 9 பேர் உயிரிழந்துள்ளதுடன் 20 பேர் படுகாயமடைந்துள்ளதாக மன்னம்பிட்டி பொலிசார் தெரிவித்துள்ளனர்.

மன்னம்பிட்டி பலகை பாலத்திலே இந்த விபத்து இடம்பெற்றுள்ளதுடன் காத்தான்குடியைச் சேர்ந்த பஸ்வண்டி எனவும் இதில் காயமடைந்தவர்கள் பொலன்னறுவை வைத்தியசாலையில் அனுமதிக்கப்பட்டுள்ளதுடன் இது தொடர்பான விசாரணைகளை மன்னம்பிட்டி பொலிசார் மேற்கொண்டுவருகின்றனர் எனவும் தெரிவிக்கப்பட்டுள்ளது.