அரச ஊழியர்களின் சம்பளத்தை அதிகரிப்பதற்கான ஏற்பாடுகள் குறித்து முன்னாள் ஜனாதிபதி ரணில் விக்கிரமசிங்க அண்மையில் வெளியிட்ட கருத்துகளை ஜனாதிபதி அநுரகுமார திஸாநாயக்க கடுமையாக விமர்சித்துள்ளார்.
ஜனாதிபதித் தேர்தலுக்கு முன்னர் அரச ஊழியர்களுக்கான சம்பள அதிகரிப்புக்கு நிதி ஒதுக்கப்பட்டதாக ரணில் தனது அறிக்கையில் கூறியிருந்தார். அண்மையில் மேடை ஒன்றில் உரையாற்றிய அநுர இதை மறுத்தார், ரணில் விக்கிரமசிங்கவின் நிர்வாகத்தால் அத்தகைய ஒதுக்கீடுகள் எதுவும் செய்யப்படவில்லை என்று கூறினார். “முந்தைய நிர்வாகத்தால் அரச ஊழியர்களின் சம்பள அதிகரிப்புக்கு நிதி ஒதுக்கப்படவில்லை. நீங்கள் தோற்றிருந்தால், தயவு செய்து வீட்டிலேயே இருங்கள்,” என்று விக்ரமசிங்கவின் கருத்துக்களுக்கு பதிலளிக்கும் வகையில் அநுரகுமார திஸாநாயக்க தெரிவித்திருந்தார்.
மேலும் அனைவருக்கும் பொதுவான அபிவிருத்திக்கான NPP இன் முயற்சிகள் தொடரும் என்று அவர் மேலும் வலியுறுத்தினார், “இந்த நாட்டிற்கான எங்கள் நோக்கம் நிறைவேறும் வரை நாங்கள் நிறுத்த மாட்டோம்.” என்றும் அநுரகுமார திஸாநாயக்க மேலும் தெரிவித்திருந்தார்.
