வைத்தியரும், பாராளுமன்ற உறுப்பினருமான அர்ச்சுனா இராமநாதன் தேர்தலுக்கு முன்னர் தனது வைத்தியர் பதவியை இராஜினாமா செய்யவில்லை எனவும் இதனால் அவர் மீது வழக்கு தாக்கல் செய்ய முடியும் எனவும் சமூக வலைத்தளங்களில் ஒரு செய்தி பகிரப்பட்டிருந்தது.
இதற்கு விளக்கமளிக்கும் வகையில் பாராளுமன்ற உறுப்பினர் அர்ச்சுனா தற்போது காணொளி ஒன்று வெளியிட்டுள்ளார்.
குறித்த காணொளியில் அவர் , சுகாதார அமைச்சானது தன்னை 2024.09.29 ஆம் திகதி அன்று தன்னை அப்பதவியிலிருந்து விலக்கி விட்டதாகவும் இதனால் தான் இராஜினாமா செய்ய வேண்டிய தேவையில்லை எனவும் அவர் சுட்டிக்காட்டியுள்ளார்.
அதேசமயம் சில யூ டியூப் நபர்கள் (ஜில் தர்ஷன், ரூபன் மீடியா, நான் உங்கள் அரவிந்த்) தன்னுடைய காணொளி மற்றும் பெயரை பயன்படுத்த முடியாது எனவும் மீறி பயன்படுத்தும் பட்சத்தில் வழக்கு தொடர்ந்து அதன் மூலம் வரும் பணத்தில் மக்களுக்கு வீடு வாங்கி கொடுப்பேன் என்றும் அவர் குறிப்பிட்டுள்ளார்.
