மட்டக்களப்பில் 2024 ஆம் ஆண்டிற்கான வருடாந்த மகளீர் அபிவிருத்தி பயிற்சி நிலைய கண்காட்சியும், சான்றிதழ் வழங்கும் நிகழ்வும் இன்று (30) இருதயபுரம், கிழக்கு பகுதியில் அமைந்துள்ள கிராம அபிவிருத்தி நிலையத்தில் இடம்பெற்றது.
இக் கண்காட்சியானது மண்முனை வடக்கு பிரதேச செயலாளர் திரு.v வாசுதேவன் தலைமையில் நடைபெற்றதுடன், குறித்த நிகழ்விற்கு பிரதம அதிதியாக கிராம அபிவிருத்தி திணைக்கள மாகாணப்பணிப்பாளர் திரு.k இளங்குமுதன் அவர்கள் கலந்து கொண்டு சிறப்பித்தார்.
அத்துடன் கெளரவ அதிதியாக முன்னாள் கிராம அபிவிருத்தி மாகாணப்பணிப்பாளர் மற்றும் தற்போதைய மாநகரசபை ஆணையாளருமான திரு. N தனஞ்ஜெயன், மாவட்ட கிராம அபிவிருத்தி உத்தியோகத்தர் திரு.k கோகுலராஜன், மண்முனை வடக்கு உதவிப் பிரதேச செயலாளர் திருமதி.S சதாகரன் ஆகியோர் கலந்து இந் நிகழ்வினை சிறப்பித்தனர்.
மேலும் கிராம அபிவிருத்தி உத்தியோகத்தர் திருமதி டிலானி ஆதித்தன், சிரேஷ்ட தையல் போதனாசிரியர் மற்றும் மாதர் சங்க உறுப்பினர்களும் கலந்து கொண்டனர்.
அதேசமயம் இவ் மகளீர் அபிவிருத்தி பயிற்சி நிலையமானது கிழக்கு மாகாண கிராம அபிவிருத்தி திணைக்களத்தின் அனுசரணையுடன், மண்முனை வடக்கு பிரதேச செயலகப் பிரிவின் கீழ் இயங்கி வருகின்றது. இங்கு யுவதிகளும் பயிற்சிகளை மேற்கொண்டு வருவதுடன், இங்கு பயிற்சிகளை மேற்கொண்டு திறன்பட பயிற்சிகளை முடித்த யுவதிகளை ஊக்குவிக்கும் முகமாகவே இவ் நிகழ்வு இடம்பெற்றதுடன், சான்றுதல்களும் வழங்கப்பட்டமை குறிப்பிடத்தக்கது.
