வெளிநாட்டில் இருந்து நாடு திரும்பும் இலங்கையர்களுக்கு கட்டுநாயக்க விமான நிலையத்தில் ஓட்டுநர் அனுமதி பத்திரம் வழங்க நடவடிக்கை

வெளிநாட்டில் இருந்து நாடு திரும்பும் இலங்கையர்களுக்கு கட்டுநாயக்க விமான நிலையத்தில் ஓட்டுநர் அனுமதி பத்திரம் வழங்கும் நடவடிக்கை எடுக்கப்பட்டுள்ளது.

வெளிநாட்டில் வழங்கப்படும் செல்லுபடியாகும் ஓட்டுநர் உரிமங்களின் அடிப்படையில் இலங்கையில் மோட்டார் வாகனங்களை ஓட்டுவதற்கான தற்காலிக ஓட்டுநர் உரிமங்களை வழங்கும் செயல்முறையை மோட்டார் போக்குவரத்து திணைக்களத்தின் வேரஹெர அலுவலகம் நீண்ட காலமாக செயல்படுத்தி வருகிறது.

மேலும் கட்டுநாயக்க, விமான நிலையத்தில் நிறுவப்பட்ட அலுவலகம் ஒகஸ்ட் 3 ஆம் திகதி முதல் செயல்படத் தொடங்கியுள்ளது.

இதற்கிடையில், வெளிநாட்டு குடிமக்களுக்கு வழங்கப்படும் சேவையை மேலும் விரிவுபடுத்தும் வகையில் நடவடிக்கை எடுக்கப்பட்டுள்ளது.

அதற்கமைய, கட்டுநாயக்க விமான நிலையத்தில் நிறுவப்பட்ட அலுவலகம் மூலம், வெளிநாட்டு குடிமக்கள் மற்றும் இரட்டை குடியுரிமை உள்ள இலங்கையர்களுக்கு வெளிநாட்டில் வழங்கப்படும் ஓட்டுநர் உரிமத்தின் அடிப்படையில் தற்காலிக ஓட்டுநர் உரிமங்களை வழங்கும் சேவை இப்போது எளிதாக்கப்பட்டுள்ளது என்று மோட்டார் போக்குவரத்து ஆணையாளர் நாயகம் கமல் அமரசிங்க ஒரு கடிதத்தில் தெரிவித்தார்.

17.11.2025 திகதியிட்ட 2463/04 ஆம் இலக்க அரசாங்க வர்த்தமானியில், இது தொடர்பான அறிவிப்பு வெளியிடப்பட்டுள்ளது.