ஈரானுக்கு எதிரான போர் “மிக விரைவில்” முடிவுக்கு வரும் என்றும், எண்ணெய் விலைகள் குறையும் என்றும் அமெரிக்க அதிபர் டொனால்ட் டிரம்ப் தெரிவித்தார்.
மியாமிக்கு அருகிலுள்ள தனது கோல்ஃப் மைதானத்தில் நடைபெற்ற செய்தியாளர் சந்திப்பில் டிரம்ப் இந்த கணிப்பை வெளியிட்டார்.
“எங்கள் இராணுவ இலக்கை நிறைவு செய்வதில் நாங்கள் முக்கிய முன்னேற்றங்களை அடைந்து வருகிறோம்,
அவை முழுமையாக முடிந்துவிட்டன என்று கூட சிலர் சொல்லலாம். ஈரானில் உள்ள ஒவ்வொரு படையையும் நாங்கள் மிக முழுமையாக அழித்துவிட்டோம். ஈரானின் பெரும்பாலான கடற்படை சக்தி மூழ்கடிக்கப்பட்டுள்ளது. அது கடலின் அடியில் உள்ளது. இது கிட்டத்தட்ட 50 கப்பல்கள்.
எனக்கு இப்போது தான் 51 கப்பல்கள் என அறிவிக்கப்பட்டது.
அவர்களிடம் கடற்படை இல்லை, விமானப்படை இல்லை, விமான எதிர்ப்பு உபகரணங்கள் இல்லை,
அவர்களிடம் தலைமைத்துவம் இல்லை. அது அனைத்தும் வெடிக்கச் செய்யப்பட்டுள்ளது.இது இதுவரை கண்டிராத ஒரு இராணுவ வெற்றியாகும்”-என்று டிரம்ப் கூறினார்.
