இந்திய கடற்படையில் பணியாற்றி ஓய்வுபெற்ற 8 இந்தியர்களுக்கு கத்தாரில் மரண தண்டனை விதிக்கப்பட்டுள்ளதாக தகவல் வெளியாகியுள்ளது.
கத்தாரில் தனியார் நிறுவனத்தில் பணிபுரிந்த 8 முன்னாள் இந்திய கடற்படை அதிகாரிகள் கடந்த ஆண்டு (2022) தோஹாவில் கத்தார் உளவுத்துறையால் கைது செய்யப்பட்டனர்.
இவ்வாறு கைது செய்யப்பட்ட 8 இந்தியர்களுக்கு கத்தார் நாட்டில் மரண தண்டனை விதிக்கப்பட்டுள்ளது.
உளவு பார்த்த முறைப்பாட்டில் கத்தார் நீதிமன்றம் 8 இந்தியர்களுக்கும் மரண தண்டனை விதித்துள்ளது. இந்த தண்டனை தொடர்பில் தகவல் அறிந்த இந்திய அரசாங்கம் அதிர்ச்சியடைந்துள்ளது.
மேலும், முன்னாள் கடற்படை வீரர்கள் 8 பேரையும் விடுதலை செய்வதற்கான சட்ட வழிமுறைகளை மேற்கொள்ள உள்ளதாகவும் இந்திய அரசாங்கம் தெரிவித்துள்ளது.
குற்றம் சாட்டப்பட்டுள்ள 8 இந்தியர்களும் கடந்த ஆண்டு ஓகஸ்ட் முதல் தனிமைச்சிறையில் அடைக்கப்பட்டுள்ளனர்.
இதேவேளை, 8 இந்தியர்களும் பணி புரிந்த நிறுவனம் நீர்மூழ்கி கப்பல்கள் தொடர்பான திட்டத்தில் இணைந்திருந்தது.
