ஹோமாகம பிட்டிபன பிரதேசத்தில் உள்ள சமுர்த்தி வங்கிக்குள் துப்பாக்கியுடன் நுழைந்த இருவர் கொள்ளையடித்து சென்றுள்ளதாக ஹோமாகம தலைமையக பொலிஸார் தெரிவித்துள்ளனர்.
இந்த கொள்ளைச் சம்பவம் இன்று செவ்வாய்க்கிழமை (19) மாலை இடம்பெற்றுள்ளது.
இதன்போது சுமார் ஏழு இலட்சம் ரூபா பணத்தினை கொள்ளையடித்துச் சென்றுள்ளதாக பொலிஸார் தெரிவித்தனர்.
தலகல பிரதேசத்திலிருந்து வந்த கொள்ளையர்கள் பணத்தைக் கொள்ளையடித்துக் கொண்டு அதே திசையில் தப்பிச் சென்றுள்ளதாகவும் பொலிஸார் தெரிவித்துள்ளனர்.
இந்நிலையில், கொள்ளைச் சம்பவம் தொடர்பில் பொலிஸார் விசாரணைகளை மேற்கொண்டு வருகின்றனர்.
