மட்டக்களப்பு களுவாஞ்சிக்குடி பொது மயானத்தில் கைக்குண்டு ஒன்று மீட்கப்பட்டுள்ளது.
விடுதலைப் புலிகளால் நிலத்தில் புதைத்து வைக்கப்பட்டிருக்கலாம் என கருதப்படும் இந்த கைக்குண்டு நேற்று வெள்ளிக்கிழமை (15) விசேட அதிரடிப்படையினரால் தோண்டி எடுக்கப்பட்டுள்ளதாக காவல்துறையினர் தெரிவித்துள்ளனர்.
தேசிய புலனாய்வு பிரிவினருக்கு கிடைத்த தகவல் ஒன்றினையடுத்து விசேட அதிரடிப்படையினர் அந்த பகுதியை தோண்டுவதற்காக நீதிமன்ற கட்டளை ஒன்றை பெற்றனர்.
இதனையடுத்து சம்பவதினமான நேற்று விசேட அதிரடிப்படை குண்டுகள் செயலிழக்கும் விசேட பிரிவினர் ,காவல்துறை புலனாய்வு பிரிவினர் குறித்த மயானத்தில் தோண்டுதல் நடவடிக்கையினை மேற்கொண்ட நிலையில் அங்கிருந்து ஒரு கைக்குண்டு ஒன்றை மீட்டுள்ளனர்.
இதனை வெடிக்கவைத்து அழிப்பதற்காக நீதிமன்ற அனுமதியை பெறும் நடவடிக்கையினை விசேட அதிரடிப்படையினர் மேற்கொண்டு வருவதாக காவல்துறையினர் தெரிவித்துள்ளனர்.
