பிரான்ஸ் நாட்டின் பாரீஸ் நகரில் ஒலிம்பிக் போட்டிகள் ஆரம்பிக்கப்பட்டுள்ளது. இப்போட்டியில் பங்கேற்பதற்காக உலகின் பல்வேறு பகுதிகளில் இருந்தும் வீரர், வீராங்கனைகள் கலந்து கொண்டுள்ளனர்.
இந்நிலையில், பிரான்ஸின் பல்வேறு பகுதிகளில் செல்லும் ரயில் மீது மர்ம நபர்கள் இன்று தாக்குதல் நடத்தி தண்டவாளத்தை சேதப்படுத்தி, தீ வைத்திருக்கிறார்கள்.
இதனால் ரயில்கள் இரத்து செய்யப்பட்டதுடன் போக்குவரத்து அதிகம் பாதிப்படைந்துள்ளது.
பாரீஸ் ஒலிம்பிக் ஆரம்ப விழாவிற்கு சில மணிநேரங்களுக்கு முன்பு நடந்த இந்தத் தாக்குதல் சம்பவங்களுக்கு அதிகாரிகள் கண்டனம் தெரிவித்துள்ளதோடு, இது ஒலிம்பிக் ஆரம்ப விழாவிற்கு அச்சுறுத்தலாக இருக்கலாம் என்று அதிகாரிகள் தெரிவித்துள்ளனர்.
