இலங்கை – அயர்லாந்து மகளிர் அணிகள் மோதும் ஒருநாள் கிரிக்கெட் தொடர் இன்று ஆரம்பம்!

இலங்கை மகளிர் அணிக்கும் அயர்லாந்து மகளிர் அணிக்கும் இடையிலான 3 போட்டிகள் கொண்ட ஒருநாள் சர்வதேச தொடர் இன்று (16) ஆரம்பமாகிறது.

இதற்கு முன்னதாக நடைபெற்ற 3 போட்டிகள் கொண்ட ரி 20 சர்வதேச தொடரின் முதல் ஆட்டத்தில் இலங்கை அணி வெற்றிபெற பதிலுக்கு இரண்டாவது ஆட்டத்தில் அயர்லாந்து அணி வெற்றிபெற தொடர் 1-1 என்ற அடிப்படையில் சமநிலையில் நிறைவுக்கு வந்தது.

இந்நிலையில் அடுத்த தொடரான 3 போட்டிகள் கொண்ட ஒருநாள் சர்வதேச தொடர் இன்று ஆரம்பமாகிறது.

இரண்டாவது ஆட்டம் ஞாயிற்றுக்கிழமையும், மூன்றாவது ஆட்டம் வரும் செவ்வாய்க்கிழமையும் நடைபெறவுள்ளது.

இங்கிலாந்தில் நடைபெற்றுவரும் மகளிருக்கான த ஹண்ட்ரட் தொடரில் இலங்கை அணியின் தலைவி சமரி அத்தபத்து விளையாடியதால் அவர் முன்னதாக நடைபெற்ற டி20 தொடரில் விளையாடவில்லை. இந்நிலையில் ஒருநாள் தொடரில் சமரி அத்தபத்து அணியுடன் இணைகின்றார்.