2022 அரகலயவின் போது எம்.பிக்களுக்கு சொந்தமான பல வீடுகளுக்கு தீ வைக்கப்பட்டதைத் தொடர்ந்து தற்போது ஜனாதிபதித் தேர்தலுக்கு முன்னதாக, 225 பாராளுமன்ற உறுப்பினர்களில் பத்து பேரைத் தவிர மற்ற அனைவரும் அவர்களின் தனிப்பட்ட பாதுகாப்பிற்காக பாதுகாப்பு அமைச்சிடம் இருந்து தலா இரண்டு ரிப்பீட்டர் ஷொட் துப்பாக்கிகளை பெற்றுள்ளதாக ஒரு அதிகாரி தெரிவித்துள்ளார்.
ரிப்பீட்டர் என்பது கைமுறையாக மீண்டும் ரவை ஏற்றாமல் பலமுறை சுடக்கூடிய துப்பாக்கியாகும். அத்தகைய ரிப்பீட்டர் துப்பாக்கியை ஒரே நேரத்தில் பத்து தோட்டாக்களுடன் ஏற்றலாம்.
ஒவ்வொரு எம்.பி.க்கும் இரண்டு ரிப்பீட்டர் துப்பாக்கிகள் வேண்டும் என்ற கோரிக்கை சுமார் பத்து மாதங்களுக்கு முன்பு பாராளுமன்ற அதிகாரிகளால் முன்வைக்கப்பட்டது.
பத்து எம்.பி.க்கள் தவிர, அனைத்து எம்.பி.க்களும் தேவையான பணம் செலுத்தி அவற்றை பெற்று விட்டனரா என தற்போதைய நிலை குறித்து வினவிய போது, பாதுகாப்பு அமைச்சகத்தின் உயர்மட்ட வட்டாரம் தெரிவித்தது.
சீனாவில் தயாரிக்கப்பட்ட கைத்துப்பாக்கிகள் முன்னர் பாராளுமன்ற உறுப்பினர்களுக்கு வழங்கப்பட்டன, ஆனால் அவற்றில் பெரும்பாலானவை தற்போது செயலிழந்த நிலையில் உள்ளன, எனவே ரிப்பீட்டர் துப்பாக்கிகளை வழங்க முடிவு எடுக்கப்பட்டது.
இதுபோன்ற துப்பாக்கிகளை எந்த மூன்றாம் தரப்பினருக்கும் மாற்ற முடியாது என்று பாதுகாப்பு அமைச்சகம் நிபந்தனை விதித்துள்ளது. எம்.பி.க்கள் எதிர்காலத்தில் பதவியில் இருந்து வெளியேறினாலும் துப்பாக்கியைத் தக்கவைத்துக் கொள்ள உரிமை உண்டு.
மே மாதம் 9 ஆம் திகதி ஆர்ப்பாட்டத்தின் உச்சக்கட்டத்தின் போது பாராளுமன்ற உறுப்பினர் ஒருவர் அரகலய உறுப்பினர்களால் சித்திரவதை செய்யப்பட்டு கொல்லப்பட்டார்.
மேலும், 72 பாராளுமன்ற உறுப்பினர்களின் வீடுகளும், ஜனாதிபதி ரணில் விக்கிரமசிங்கவின் தனிப்பட்ட நூலகமும் எரிக்கப்பட்டமையும் குறிப்பிடத்தக்கது.
