தமிழருக்கு நாட்டில் உரிமை உண்டு. இதுதான் தருவேன் எடுத்துக்கொள்ளுங்கள் என்று எமக்க சிறிலங்காவின் அதிபர் பிச்சை போட்டு ஏமாற்ற வேண்டாம்.எமக்கான உரிமைகளை சரியான முறையில் தராவிடின் அதிபர் வீடு செல்ல நேரிடும் என இரா.சாணக்கியன் எச்சரித்துள்ளார்.
நேற்று (20.07.2023) நாடாளுமன்றத்தில் உரையாற்றிய போதே அவர் இவ்வாறு குறிப்பிட்டுள்ளார்.
இது குறித்து அவர் மேலும் தெரிவிக்கையில், அண்மையில் ரணில் விக்ரமசிங்க தமிழ் மக்கள் பிரதிநிதிகளுடன் இடம்பெற்ற கூட்டத்தில், நான் ரணில் ராஜபக்ச அல்ல.நான் ரணில் விக்ரமசிங்க என்று குறிப்பிட்டிருந்தார்
அத்துடன் தான் வழங்கபோவதை நீங்கள் ஏற்றுகொள்ள போகின்றீர்களா இல்லையா என்று அதிபர் கேட்கின்றார் என சாணக்கியன் தெரிவித்துள்ளார்.
தமிழருக்கு நாட்டில் உரிமை உண்டு,நான் இதுதான் தருவேன் எடுத்துக்கொள்ளுங்கள் என்று எமக்கு பிச்சை போட்டு எம்மை ஏமாற்ற வேண்டாம் எனவும் சாணக்கியன் ரணில் விக்ரமசிங்கவை சாடியுள்ளார்.
ரணில் விக்ரமசிங்கவும் விரைவில் வீடு செல்ல வேண்டி வரும், எமக்கான உரிமைகளை சரியான முறையில் தராவிடின் நாட்டுக்கான கடன் அதிகரிக்குமே தவிர முதலீடுகள் கிடையாது எனவும் சாணக்கியன் எச்சரித்துள்ளார்.
