கட்டார் நாட்டில் கடந்த (24) வெள்ளிக் கிழமை இடம்பெற்ற உதைப்பந்தாட்ட போட்டியில் இலங்கையின் கிழக்கு மாகாணத்திலிருந்து கட்டார் நாட்டிற்கு வேலைக்கு சென்ற இளைஞர்களான கட்டார் ∴பெர்றி ∴எவ்சி (Qatar Batti Fc) அணியினர் 2ம் இடத்தை பெற்று எமது ஊருக்கும், மண்ணுக்கும் பெருமை சேர்த்துள்ளனர்.
இவ் உதைப்பந்தாட்ட போட்டியானது கட்டார் நாட்டில் வேலை பார்க்கும் இலங்கையின் கிழக்கு மாகாண இளைஞர்களின் மண்டூர் கண்ணகி விளையாட்டு கழகத்தால் ஏற்பாடு செய்யப்பட்டு நடத்தப்பட்டதுடன், இப் போட்டியில் 14 விளையாட்டு கழகங்கள் பங்குபெற்றியிருந்ததும் குறிப்பிடத்தக்கது.
இந் நிலையில் இந்த இறுதிப்போட்டியில் கட்டாரை சேர்ந்த அணியான எவரோக்ஸ் எஃப்சி (Everocks FC) மற்றும் கட்டார் ∴பெர்றி ∴எவ்சி (Qatar Batti Fc) அணியினர் போட்டியிட்டனர். இதில் கட்டார் ∴பெர்றி ∴எவ்சி (Qatar Batti Fc) அணியினர் 2ம் இடத்தை பெற்றுள்ளனர்.
கட்டார் நாட்டில் உள்ள இவ் அணியானது இலங்கையின் கிழக்கு மாகாணத்திலிருந்து கட்டார் நாட்டிற்கு வேலைக்கு சென்ற இளைஞர்களை ஒன்றிணைத்து ஆரம்பிக்கப்பட்ட அணியாகும்.
இவ் அணியானது குறுகிய காலத்தில் திறமைவாய்ந்த இளைஞர்களை ஒன்றிணைத்து பல உதைப்பந்தாட்ட போட்டிகளில் பங்கு பெற்று பல வெற்றிகளை பெற்ற அணியாக திகழ்வது குறிப்பிடத்தக்கது.
