கிழக்கில் அரச சார் நாடாளுமன்ற உறுப்பினர்களின் ஊழல்கள் பற்றிய குற்றச்சாட்டு ஆவணங்களை நேற்று
மட்டக்களப்புக்கு விஜயம் செய்த பிரதமர் தினேஷ குணவர்த்தனவிடம் நேரில் சமர்ப்பித்திருக்கின்றார் இலங்கைத் தமிழரசுக் கட்சியின் மட்டக்களப்பு மாவட்ட நாடாளுமன்ற உறுப்பினர் இரா. சாணக்கியன்.
இந்த ஊழல் குற்றச்சாட்டுகள் தொடர்பாக ஊழல் மோசடி விசாரணைக் குழு ஒன்றை அமைப்பார் என அதன்
போது பிரதமர் தமக்கு உறுதியளித்தார் என சாணக்கியன் எம்.பி. பின்னர் தெரிவித்தார்.
‘இந்த ஊழல்கள் மக்களுக்கு எதிரான செயல்பாடாகும். அவை தொடரபில் எதிர்வரும் காலங்களில் நடவடிக்கை எடுக்கப்படாதவிடத்து இவர்களின் (பிரதமர் போன்ற ஆட்சியாளர்களின்) வருகைகளை ஒட்டி எமது மக்களுடன் ஒன்றிணைந்து எதிர்ப்பு போராட்டங்ள் முன்னெடுக்கப்படும்” – என சாணக்கியன் மேலும் தெரிவித்திருந்தார்.
நேற்றைய தினம் மட்டக்களப்பு மாவட்ட செயலகத்தில் (கச்சேரி) பிரதமரின் வருகையை முன்னிட்டு நடந்த கூட்டத்தினி டையேயே இந்த ஊழல் குற்றச்சாட்டுப் பட்டியலை அவர் சமர்ப்பித்தார். இந்தக் கூட்டத்தில் பிரதமர் பக்கத்தில் வரிசையில் போடப்பட்ட கதிரையில் சாணக்கியன் எம்.பி. அமரவில்லை.
மாறாக, மக்களின் சார்பாக மக்களின் பக்கத்தில் ஒருவராக இரா. சாணக்கியன் அமர்ந்து கூட்டத்தில் பங்குபற்றினார்.
‘இந்த அரசு மற்றும் அரசு சார்ந்த நாடாளுமன்ற உறுப்பினர்கள், அமைச் சர்கள், அரசு சார்ந்து திரை மறைவில் செயல்படும் நாடாளுமன்ற உறுப் பினர்கள் எமது மக்களின் உரிமை மற்றும் மக்கள் நலன் சார்ந்த கோரிக் கைகளை, அரசு சார்ந்தவர்களின் ஊழல்களை, மக்களுக்கான அநீதிகளை கண்டுகொள்ளாது உதாசீனப்படுத்தும் விதமாக நடந்து கொள்கின்றனர். அதன் காரணமாகவே இன்றைய தினம் (நேற்று) அவர்களில் ஒருவனாக அரச அதிதிகளின் வரிசையில் அமராமல், மக்களோடு மக்களாக மக்கள் பக்கத்திலிருந்து இக்கூட்டத்தில் பங்குபற்றினேன். – என்றார் அவர்.
