நாட்டில் பெரும்பாலும் 16-17 வயதுக்குட்பட்டவர்களில் 18% பேர் மனச்சோர்வு உணர்வுகளை அனுபவித்து வருகதாகவும், 63% பள்ளி மாணவர்களுக்கு போதுமான தூக்கம் கிடைக்காததால் கவலையடைகின்றனர் எனவும் சுகாதார மேம்பாட்டு பணியகம் கவலை தெரிவித்துள்ளது.
கடந்த 12 மாதங்களில் பிள்ளைகளிடையே மனநலப் பிரச்சினைகள் அதிகரித்துள்ளதாகவும், 22.4% பேர் தனிமையை உணர்கிறார்கள் என்றும் ஆலோசகர், மருத்துவர் டாக்டர் சிராந்திகா விதானகே தெரிவித்தார்.
11.9% பிள்ளைகள் கவலை காரணமாக உறங்க முடியவில்லை என்றும், 7.5% பேருக்கு 2016 முதல் நெருங்கிய நண்பர்கள் இல்லை என்றும் அவர் மேலும் கூறினார்.
இருப்பினும், தற்கொலை எண்ணம், திட்டமிடல் மற்றும் முயற்சிகள் குறிப்பிடத்தக்க சமூகப் பிரச்சினைகளாகவே உள்ளன.
குறிப்பாக பெண்களில் 15.4% பிள்ளைகள் தற்கொலை எண்ணங்களைக் கொண்டுள்ளனர்.
9.6% பேர் தற்கொலைத் திட்டங்களைத் தீட்டுயுள்ளதுடன், 9.1% பேர் தற்கொலைக்கு முயற்சிக்கின்றனர்.
தற்போது பிள்ளை டிஜிட்டல் சூழல்களில் அதிகமாக மூழ்கி விட்டதால், 2016 முதல் இந்தப் பிரச்சினைகள் நீடித்து வருவதை தரவு எடுத்துக்காட்டுகிறது.
21.9% ஆண்கள் இன்னும் கொடுமைப்படுத்தப்படுவதாகப் புகாரளித்தாலும், ஒட்டுமொத்தமாக கொடுமைப்படுத்துதல் குறைந்துள்ளதாக டாக்டர் விதானகே கூறினார்.
கடந்த 12 மாதங்களில், வயது மற்றும் பாலினத்தின் அடிப்படையில், பெண்களை விட 5.4% அதிகமான ஆண்கள் சைபர்புல்லிங்கை அனுபவித்துள்ளனர்.
கடந்த 30 நாட்களில் புகையிலை பயன்பாடு 5.7% அதிகரித்துள்ளது என்றும், புகையற்ற புகையிலை நுகர்வு 7.3% அதிகரித்துள்ளது என்றும் சுகாதார அதிகாரிகள் எச்சரிக்கின்றனர். இ-சிகரெட்டுகளின் பயன்பாடும் வளர்ந்து வரும் கவலையாக உள்ளது, 5% தனிநபர்கள் அதைப் பயன்படுத்துவதாகப் புகாரளிக்கின்றனர்.
