இலங்கைப் பெற்றோலியக் கூட்டுத்தாபனத்தின் விற்பனைப் பிரிவில் பணியாற்றிய நான்கு சிரேஷ்ட அதிகாரிகள் கடந்த வெள்ளிக்கிழமை தமது இராஜினாமாக் கடிதங்களை கையளித்துள்ளனர் என இலங்கைப் பெற்றோலியக் கூட்டுத்தாபனத்தின் சிரேஷ்ட அதிகாரி ஒருவர் தெரிவித்தார்.
மேலும் இந்த நான்கு அதிகாரிகளும் தனியார் துறையில் பணிக்குச் செல்வதற்காக பதவி விலகுகின்றனர் எனத் தெரிவிக்கப்பட்டதாகவும் பாரிய எரிபொ ருள் மோசடி தொடர்பாக விசாரணை நடத்தப்பட்டு வரும் வேளையில் அதிகாரிகள் பதவி விலகுவதால் சிக்கல் நிலை ஏற்பட்டுள்ளதாகவும் அந்த அதிகாரி தெரிவித்தார்.
இலங்கையில் எரிபொருள் வியாபாரத்தை ஆரம்பித்துள்ள வெளிநாட்டு நிறுவனமொன்றில் இணைவதற்கு
சம்பந்தப்பட்ட அதிகாரிகள் தயாராகி வருகின்றனர் எனவும், அந்த நால்வரில் சிலர் அதிக சந்தையைக் கொண்ட ‘சிபொட்கோ” நிறுவனத்திற்கு சொந்தமான எரிபொருள் நிலையங்களைத் தெரிவு செய்த அதிகாரிகள் எனவும்பெற்றோலியக் கூட்டுத்தாபன ஊழியர்கள் தெரிவிக்கின்றனர்.நாட்டில் ஏற்பட்டுள்ள எரிபொருள் தட்டுப்பாட்டின் போது கமிஷன் பணம் பெற்று தொழிற்சாலைகள் மற்றும் ஹோட்டல்களுக்கு பவுஸராக எரிபொருளை வழங்க ஒத்துழைப்பு வழங்கிய அதிகாரி ஒருவரும் பதவி விலகல் கடிதம் வழங்கிய நான்கு அதிகாரிகளில் அடங்குகிறார் எனவும் ஊழியர்கள்
தெரிவிக்கின்றனர்.
இந்த அதிகாரிகள் பதவி விலகுவதற்கு முன்னர் அவர்களது சொத்துக்கள் தொடர்பில் கூட்டுத்தாபன மட்டத்திலும் ஏனைய சட்ட அமைப்புகளின் ஊடாகவும் விசாரணை நடத்தப்பட வேண்டுமென இலங்கை பெற்றோலியக் கூட்டுத்தாப னத்தின் ஊழியர்கள் அதிகாரிகளிடம் கோரிக்கை விடுத்துள்ளனர்.
