முன்னாள் அமைச்சர் சமல் ராஜபக்ச, அரசியல் நண்பர்களுக்கு எந்தவித அடிப்படையும் இல்லாமல் ஏக்கர் கணக்கில் மகாவலி நிலங்களை வழங்கியதாக, ஐக்கிய மக்கள் சக்தியின் நாடாளுமன்ற உறுப்பினர் ஹேஷா விதானகே குற்றம் சாட்டினார்.
இன்று (22) நாடாளுமன்றத்தில் உரையாற்றும் போதே அவர் மேற்கண்டவாறு குறிப்பிட்டார்.
இதன்போது, எம்பிலிப்பிட்டியவில் உள்ள வளவே வலயத்தில் உள்ள மகாவலி நிலங்கள், எந்தவொரு சாத்தியக்கூறு ஆய்வுகளும் மேற்கொள்ளப்படாமல் பல்வேறு நபர்களுக்கு வழங்கப்பட்டதாக அவர் தெரிவித்தார்.
வளவே வலயத்தில் மகாவலி நிலங்களை வழங்கும் செயல்முறையை மறுபரிசீலனை செய்து, எந்தவொரு உற்பத்தி பயன்பாட்டிற்கும் பயன்படுத்தப்படாத நிலங்களை கையகப்படுத்துமாறு ஹேஷா விதானகே அரசாங்கத்தை வலியுறுத்தினார்.
மேலும், இந்த நிலங்கள், உண்மையில் பயிர் செய்யும் அல்லது சாத்தியமான திட்டங்களைத் தொடங்க நம்பும் மக்களுக்கு வழங்கப்பட வேண்டும் என்று அவர் கூறினார்.
அதேவேளை, சில நிலங்கள் குறித்து விசாரணைகள் தொடங்கப்பட்டுள்ளதாகவும், குறிப்பிட்ட நிலங்கள் குறித்து புகார்கள் வந்தால், விசாரணைகள் தொடங்கப்படலாம் என்றும் காணி மற்றும் நீர்ப்பாசனத் துறை துணை அமைச்சர் சுசில் ரணசிங்க இதன்போது குறிப்பிட்டார்.
