அரச வங்கி ஒன்றின் கடுவெல கிளையில் பணிபுரியும் காசாளர் ஒருவர், தினசரி வட்டி பெறும் நோக்கில், வங்கியில் இருந்து ரூ.13 கோடி ரூபாவை பல்வேறு வங்கிகளில் உள்ள கணக்குகளுக்கு மாற்றிய சம்பவம் தொடர்பாக கைது செய்யப்பட்டுள்ளதாக கடுவெல பொலிஸார் தெரிவித்தனர்.
வைப்புச் செய்யும் பணத்திற்கு பத்து சதவீத தினசரி வட்டி கிடைக்கும் என்று ஒரு இளம் பெண் இந்த காசாளருக்கு கடந்த 28 ஆம் திகதி வாட்ஸ்அப் மூலம் தெரிவித்திருந்தார்.
அதன்படி, சந்தேக நபர் அன்றைய தினம் இளம் பெண் வழங்கிய கணக்கில் ரூ.30,000 வைப்புச் செய்துள்ளார், மேலும் அவ்வாறு செய்த சில மணி நேரங்களுக்குள், சந்தேக நபருக்கு ரூ.33,000 கிடைத்தது.
அதன்படி, மறுநாள் (29) கடமைக்காக கடுவெல கிளைக்கு வந்த சந்தேக நபர், ஒரே நாளில் வங்கியில் இருந்து ரூ.13 கோடிக்கும் அதிகமான பணத்தை தொலைபேசி அழைப்பை மேற்கொண்ட இளம் பெண் வழங்கிய கணக்குகளுக்கு மாற்றியுள்ளார்.
வழங்கப்பட்ட வங்கிக் கணக்குகளில், தனியார் வங்கிக் கணக்குகள் மற்றும் அரச வங்கிக் கணக்குகளும் உள்ளன. இது தொடர்பில் தீவிர விசாரணைகள் இடம்பெற்று வருகின்றன.
