ஸ்ரீ ஜெயவர்தனபுர மருத்துவமனையின் சிறப்பு மருத்துவர், ரூ. 50,000 மதிப்புள்ள அறுவை சிகிச்சை உபகரணங்களை ரூ. 175,000 க்கு நோயாளிகளுக்கு விற்றதாகக் கூறப்படும் நிலையில், இறந்த நோயாளிகளுக்கு மூளை அறுவை சிகிச்சை கூட செய்ததாகக் கூறினார்.
இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழு அதிகாரிகள், கொழும்பு பிரதான நீதவான் தனுஜா லக்மாலி ஜெயதுங்க முன்னிலையில் செவ்வாய்க்கிழமை (24) சாட்சியமளித்தபோதே இவ்வாறு தெரிவித்தனர்.
தனது தனியார் நிறுவனம் மூலம் விற்கப்பட்ட அறுவை சிகிச்சை உபகரணங்களை பணத்திற்கு நோயாளிகளுக்கு வழங்கும் நோக்கில் இறந்த நோயாளிகளுக்கு அறுவை சிகிச்சைகள் செய்யப்பட்டதாகவும், மூளை இறந்த ஐந்து நாட்களுக்குப் பிறகு நோயாளியின் இதயம் ஒரு இயந்திரத்தைப் பயன்படுத்தி அறுவை சிகிச்சை செய்யப்பட்டதாக பிரேத பரிசோதனையில் தெரியவந்ததாகவும் ஆணைக்குழு அதிகாரிகள் கூறியுள்ளனர்.
ஸ்ரீ ஜெயவர்தனபுர மருத்துவமனையில் அனுமதிக்கப்பட்ட நோயாளிகளுக்கு அறுவை சிகிச்சைக்குத் தேவையான அறுவை சிகிச்சை உபகரணங்களை தனது தனியார் நிறுவனத்திடமிருந்து வாங்கச் சொல்லி முன்னூறு மில்லியன் ரூபாய்க்கு மேல் இழப்பு ஏற்படுத்தியதாகக் கூறப்படும் குற்றச்சாட்டில், தடுப்புக்காவலில் வைக்கப்பட்டுள்ள சிறப்பு நரம்பியல் அறுவை சிகிச்சை நிபுணர் உட்பட மூவருக்கு எதிரான விசாரணை கோரப்பட்டபோது இந்த உண்மைகள் முன்வைக்கப்பட்டன.
இந்த புகார் அளிக்கப்பட்டபோது, சந்தேக நபர்களான, ஸ்ரீ ஜயவர்தனபுர மருத்துவமனையின் 18வது வார்டுக்குப் பொறுப்பான சிறப்பு நரம்பியல் அறுவை சிகிச்சை நிபுணர் டாக்டர் மகேசி சூரசிங்க விஜேரத்ன, அந்த மருத்துவரின் நிறுவனங்களில் ஒன்றில் பணியாற்றிய முத்துக்குடா ஆராச்சிகே நிமல் ரஞ்சித் மற்றும் மருத்துவமனையின் உதவி முகாமையாளர் லியனகே இந்திகா ஆகியோர் சிறைச்சாலை அதிகாரிகளால் நீதிமன்றத்தில் ஆஜர்படுத்தப்பட்டனர்.
இதுவரை கிடைத்த உண்மைகளின் அடிப்படையில், சந்தேக நபர் மருத்துவர், அரசாங்க சுற்றறிக்கை ஆவணங்களை மீறி, கொள்முதல் செயல்முறையின்படி அறுவை சிகிச்சை உபகரணங்களை வாங்குவதற்குப் பதிலாக மருத்துவமனைக்கு அறுவை சிகிச்சை உபகரணங்களை விற்பனை செய்வதற்காக ஒரு நிறுவனத்தை நிறுவினார் என்றும், அந்த நிறுவனம் சுமார் முந்நூறு நோயாளிகளுக்கு அறுவை சிகிச்சை உபகரணங்களை பணத்திற்கு வழங்கியுள்ளது என்றும் இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழு தெரிவித்துள்ளது.
மூளை அறுவை சிகிச்சை தேவைப்படாத நோயாளிகளுக்குக்கும் மூளை அறுவை சிகிச்சை செய்ததாகவும், இதனால் நோயாளிகளில் 77 பேர் இழப்பை சந்தித்துள்ளதாகவும், மேலும் 92 நோயாளிகள் தொலைபேசி மூலம் இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழுவிடம் புகார் அளித்துள்ளதாகவும் இலஞ்சம் அல்லது ஊழல் பற்றிய சார்த்துரைகளைப் புலனாய்வு செய்வதற்கான ஆணைக்குழு மேலும் தெரிவித்துள்ளது.
