தமிழைப்போற்றி சைவம் வளர்ப்போம் எனும்தொனிப்பொருளில் இயங்கிக்கொண்டு இருக்கும் மட்டு சிவ தொண்டர் திருக்கூடம் அமைப்பு அம்பாறை மாவட்டம் பொத்துவில் செங்காமம் கற்பகவிநாயகர் ஆலய நிர்வாகத்தினர் விடுத்த வேண்டுகோளை ஏற்று நீண்ட தூர பயணம் ஒன்றை தமிழ் சைவத்திற்காக மேற்கொள்ள திட்டமிட்டு உள்ளார்கள்.
எதிர்வரும் 27/08/2023 ஞாயிற்றுக்கிழமை அன்று இந்த கிராமத்தில் மிக நீண்ட நாள் தேவையாக இருந்த அறநெறிப்பாடசாலை ஒன்று புதிதாக அங்குரார்ப்பணம் செய்து வைக்கப்படவுள்ளது.
அன்றைய தினம் பட்டினத்தார் குருபூசை நிகழ்வும் மற்றும் மாணவர்களுக்கு இடையில் கலாசாரபோட்டிகள் நடாத்தி வெற்றிபெற்ற மாணவர்களுக்கு உதவும்கரங்கள் அமைப்பின் அனுசரணையுடன் பாராட்டுச்சான்றிதழ்களும் வழங்கவுள்ளார்கள்.
மேலும் நிகழ்வுகளை சிறப்பிக்கும் முகமாக அறநெறிப்பாடசாலை மாணவர்கள் ஆசிரியர்கள் ஆலய தொண்டர்களுக்கு சிவ சின்னமான உருத்திராட்சம் அணிவித்து அறநெறிப்பாடசாலையின் முக்கியத்துவம் சிவசின்னங்களின் மகிமைகள் பற்றி சைவபுலவர்கள் மற்றும் சிவதொண்டர்களினால் சொற்பொழிவுகளும் நடைபெறவுள்ளது.
