Rumassala Jungle Beach பகுதிக்கு சுற்றுலா சென்றிருந்த 20 வயதுடைய பிரான்ஸ் நாட்டுப் பெண் ஒருவரை பாலியல் துஷ்பிரயோகத்திற்கு உட்படுத்தியதாகக் கூறப்படும் சம்பவம் தொடர்பில், 21 வயதுடைய இளைஞர் ஒருவர் பொலிஸாரால் கைது செய்யப்பட்டுள்ளார்.
குறித்த சம்பவத்துடன் தொடர்புடைய சந்தேகநபர் ராகம பகுதியைச் சேர்ந்தவர் என பொலிஸார் தெரிவித்துள்ளனர்.
சம்பவம் தொடர்பில் கிடைத்த தகவலின் அடிப்படையில், உனவட்டுன சுற்றுலாப் பொலிஸ் பிரிவின் அதிகாரிகள் சந்தேகநபரைக் கைது செய்துள்ளனர்.
பிரான்ஸ் நாட்டுப் பெண்ணின் பாதுகாப்பை உறுதிப்படுத்திய பின்னர், மேலதிக சட்ட நடவடிக்கைகளுக்காக சந்தேகநபர் ஹபராதுவ பொலிஸாரிடம் ஒப்படைக்கப்பட்டுள்ளார்.
கைது செய்யப்பட்ட இளைஞர் இன்று (01) நீதிமன்றத்தில் ஆஜர்படுத்தப்படவுள்ளதாகப் பொலிஸார் தெரிவித்துள்ளனர்.
