இந்தோனேசியாவின் பாலி நகரில் அக்டோபர் 25, 2025 அன்று நடைபெற்ற Asia Pacific PRO/AM இயற்கை உடற்பயிற்சி போட்டியில், இலங்கை வீரர் சேகரன் சிவா சிறப்பான சாதனையைப் பதிவு செய்துள்ளார்.
அவர் Men’s Fitness, Men’s Fitness Open, மற்றும் Men’s Fitness Novice ஆகிய மூன்று பிரிவுகளிலும் முதல் இடத்தை கைப்பற்றியதுடன், அனைத்து பிரிவுகளிலும் Pro Athlete பட்டத்தையும் பெற்றுள்ளார்.
இந்தப் போட்டி Natural Bodybuilding Australia அமைப்பினால் நடத்தப்பட்டது.
சேகரன் சிவா, இலங்கை மற்றும் சென் மைக்கேல் கல்லூரியை பெருமையுடன் பிரதிநிதித்துவப்படுத்தினார்.
பல மாதங்களாக கடின உழைப்பு, ஒழுக்கம், மற்றும் உறுதியான பயிற்சியின் பலனாக அவர் இந்தச் சிறப்பை அடைந்துள்ளார்.
அவரது இந்தச் சாதனை இலங்கைக்கும், மட்டக்களப்பு மாவட்டத்திற்கும் பெருமை சேர்த்ததுடன், நாட்டின் இளைஞர்களுக்குப் பெரிய ஊக்கமாக அமைந்துள்ளது.
