ஐக்கிய அரபு இராச்சியத்தில் நடைபெற்றுவரும் 19 வயதுக்குட்பட்ட இளையோர் ஆசியக்கிண்ண கிரிக்கெட் தொடரில் ஆப்கானை வீழ்த்தி இரண்டாவது வெற்றியை பதிவுசெய்த இலங்கை அணி, அரையிறுதி வாய்ப்பை உறுதி செய்த நிலையில் இன்று தங்களது கடைசி லீக் ஆட்டத்தில் காலை 10.30 மணிக்கு தொடரில் தோல்வியுறாத பங்களாதேஷை எதிர்கொள்கிறது.
நேற்று முன்தினம் (15) நடைபெற்ற பரபரப்பான போட்டியில் முதலில் துடுப்பெடுத்தாடிய ஆப்கானிஸ்தான் அணி 49.5 ஓவர்களில் 235 ஓட்டங்ளுக்கு சுருண்டது.
236 ஓட்டங்கள் எடுத்தால் வெற்றி என்ற இலக்கை நோக்கி ஆடிய இலங்கை அணி ஆரம்பம் முதலே சிறப்பாக ஆடியது. மத்திய வரிசையில் விக்கெட்டுகளை இழந்து தடுமாறினாலும் சாமிக்க ஹீனட்டிகல (51 ஓட்டங்கள்) பொறுப்பாக ஆடி அணியை வெற்றி பெற வைத்தார். இறுதியில் 49.2 ஓவர்களில் 8 விக்கெட்டுகள் இழப்புக்கு 238 ஓட்டங்கள் எடுத்து இலங்கை த்ரில் வெற்றி பெற்றது.
