அமெரிக்காவை சேர்ந்த சாக்ஸ்வோப் என்பவர் 2022ஆம் ஆண்டு ஜூலை முதல் 2023 ஜூலை வரையிலான ஓர் ஆண்டில் மட்டும் மொத்தம் 777 திரைப்படங்கள் பார்த்து கின்னஸ் சாதனையை படைத்துள்ளார். 32 வயதான இவர் ஒவ்வொரு வருடமும் சராசரியாக 100 முதல் 150 படங்கள் வரை தியேட்டரில் பார்த்து வந்துள்ளார்.
இந்நிலையில் கின்னஸ் சாதனை படைப்பதற்காக அங்குள்ள ரீகல் சினிமாஸ் தியேட்டரில் கடந்த ஆண்டு ‘மினியன்ஸ்: ரைஸ் ஒப் க்ரு’ படத்தில் தொடங்கி ‘இன்டியானா ஜோன்ஸ் அன்ட் தி டயல் ஒப் டிஸ்டினி’ வரை பலதரப்பட்ட படங்களையும் பார்த்துள்ளார். ஒவ்வொரு வார நாள்களிலும் காலை 6.45 மணி முதல் மதியம் 2.45 வரை வேலைக்கு செல்லும் சாக்ஸ்வோப், அதன்பிறகு தியேட்டருக்கு சென்று மூன்று படங்கள் வரை பார்த்துள்ளார். வார இறுதி நாள்களில் கூடுதல் காட்சிகளையும் பார்த்து இந்தச் சாதனையை அவர் படைத்துள்ளார்.
