இலங்கையின் தேசிய தேயிலை விற்பனை சராசரி விலையானது கடந்த மார்ச் மாதத்தில் வீழ்ச்சியடைந்துள்ளதாக போர்ப்ஸ் மற்றும் வோக்கர் (Forbes & Walker) ஆய்வு நிறுவனம் தெரிவித்துள்ளது.
2026 மார்ச் மாதத்தில் ஒரு கிலோகிராம் தேயிலையின் சராசரி விலை 1,144.23 ரூபாவாக (3.63 டொலர்) பதிவாகியுள்ளது. இது பெப்ரவரி மாத விலையான 1,152.11 ரூபாவுடன் ஒப்பிடுகையில் 7.88 ரூபா சரிவாகும்.
இதேவேளை, 2025 மார்ச் மாதத்துடன் ஒப்பிடும்போது, ஒரு கிலோகிராம் தேயிலையின் விலை 39.53 ரூபாவினால் வீழ்ச்சியடைந்துள்ளது.
2026 ஆம் ஆண்டின் முதல் மூன்று மாதங்களுக்கான தேசிய சராசரி விலை 1,153.25 ரூபாவாகும். இது கடந்த ஆண்டின் இதே காலப்பகுதியுடன் ஒப்பிடுகையில் 26.07 ரூபா குறைவானது.
மேலும், பெப்ரவரி மாதத்துடன் ஒப்பிடுகையில் 8.31 ரூபா வீழ்ச்சியைக் கண்டுள்ளது. இருப்பினும் கடந்த ஆண்டுடன் ஒப்பிடுகையில் இதன் விலை 5.72 ரூபாவினால் அதிகரித்துள்ளது.
மாதாந்த அடிப்படையில் 5.72 ரூபா உயர்வைக் காட்டினாலும், கடந்த ஆண்டுடன் ஒப்பிடும்போது 69.21 ரூபா எனும் பாரிய விலைச் சரிவைச் சந்தித்துள்ளது.
இலங்கை தேயிலை ஏற்றுமதியின் முக்கிய பங்கைக் கொண்டுள்ள இந்தத் தேயிலை வகை, மார்ச் மாதத்தில் 13.95 ரூபாவினாலும், கடந்த ஆண்டுடன் ஒப்பிடுகையில் 55.02 ரூபாவினாலும் வீழ்ச்சியடைந்து அதிக அழுத்தத்தைச் சந்தித்துள்ளது.
உலகளாவிய ரீதியில் தேயிலைக்கான கேள்வி குறைவடைந்துள்ளமை மற்றும் விலை நிர்ணய மாற்றங்கள் காரணமாக இந்த வீழ்ச்சி ஏற்பட்டுள்ளதாக ஆய்வுகள் தெரிவிக்கின்றன.
