உலகின் முன்னணி தொழில்நுட்ப நிறுவனமான அப்பிளின் (Apple) தலைமை நிர்வாக அதிகாரி பதவியிலிருந்து டிம் குக் எதிர்வரும் செப்டம்பர் மாதம் தொடக்கத்தில் விலகவுள்ளார். இதன் மூலம் ஐபோன் தயாரிப்பு நிறுவனத்தின் தலைவராக அவர் ஆற்றிய 15 ஆண்டுகால நீண்ட பயணம் நிறைவுக்கு வருகின்றது.
டிம் குக்கைத் தொடர்ந்து, அப்பிள் நிறுவனத்தின் வன்பொருள் பொறியியல் பிரிவின் தலைவராக இருக்கும் ஜோன் டெர்னஸ் புதிய தலைமை நிர்வாக அதிகாரியாகப் பொறுப்பேற்பார் என்று அறிவிக்கப்பட்டுள்ளது. பதவி விலகும் டிம் குக், அப்பிள் நிறுவனத்தின் நிர்வாகத் தலைவராகத் (Chair of the board) தொடர்ந்து பணியாற்றுவார் என மேலும் அறிவிக்கப்பட்டுள்ளது.
