தமிழக வெற்றி கழகத்திற்கு ஆதரவு வழங்குவது தொடர்பாக இந்திய கம்யூனிஸ்ட் கட்சி இன்று தீவிர ஆலோசனையில் ஈடுபட்டிருந்த நிலையில், தற்போது தனது ஆதரவை உறுதிப்படுத்தியுள்ளது.
தமிழக வெற்றி கழகத்திற்கு வழங்கப்பட்ட ஆதரவு கடிதம், கட்சியின் நிர்வாகி சி.டி.ஆர். நிர்மல் குமாரிடம் ஒப்படைக்கப்பட்டுள்ளது.
நடைபெற்று முடிந்த தமிழ்நாடு சட்டப்பேரவைத் தேர்தலில் விஜயின் தமிழக வெற்றி கழகம் 108 தொகுதிகளில் வெற்றி பெற்றது. ஆட்சி அமைப்பதற்கு தேவையான 118 இடங்களை எட்டுவதற்காக பிற கட்சிகளின் ஆதரவை அக்கட்சி கோரி வந்தது.
இதில் காங்கிரஸ் கட்சி ஏற்கனவே தனது ஆதரவை அறிவித்திருந்த நிலையில், இந்திய கம்யூனிஸ்ட் கட்சி, இந்திய மார்க்சிஸ்ட் கம்யூனிஸ்ட் கட்சி மற்றும் விடுதலை சிறுத்தைகள் கட்சி உள்ளிட்ட இடதுசாரி கட்சிகளிடமும் ஆதரவு கோரப்பட்டிருந்தது.
இந்நிலையில், இந்திய கம்யூனிஸ்ட் கட்சி இன்று நிபந்தனையற்ற ஆதரவை வழங்குவதாக அறிவித்துள்ளது.
இதன் மூலம் தமிழக வெற்றி கழக கூட்டணியின் சட்டப்பேரவை உறுப்பினர்கள் எண்ணிக்கை 115 ஆக உயர்ந்துள்ளது. ஆட்சி அமைக்க இன்னும் நான்கு உறுப்பினர்களின் ஆதரவு தேவைப்படுகின்றது.
