மட்டக்களப்பு ரோட்டராக்ட் கழகத்தின் ஏற்பாட்டில், இளைஞர்களிடையே விளையாட்டுத்திறன், ஆரோக்கியமான போட்டி மனப்பான்மை மற்றும் சமூக உணர்வை ஊக்குவிக்கும் வகையில் ஏற்பாடு செய்யப்பட்டுள்ள “ரோட்டராக்ட் கிராண்ட் ஸ்மாஷ்” டென்னிஸ் போட்டி உத்தியோகபூர்வமாக ஆரம்பிக்கப்பட்டுள்ளது.
மட்டக்களப்பில் அமைந்துள்ள லேக் வியூ டென்னிஸ் மைதானத்தில் (Lake View Tennis Court) நடைபெறும் இப்போட்டி, இளைஞர்களின் திறமைகளை வெளிப்படுத்துவதுடன், நட்புறவு மற்றும் ஒற்றுமையை வளர்க்கும் நோக்கத்தையும் கொண்டுள்ளது.
நிகழ்வில் உரையாற்றிய மட்டக்களப்பு ரோட்டராக்ட் கழகத்தின் பிரதிநிதிகள், சமூக சேவைக்கு அப்பால் இளைஞர்களின் பங்கேற்பு, உடல் ஆரோக்கியம் மற்றும் ஆரோக்கியமான போட்டி மனப்பான்மையை ஊக்குவிக்கும் களங்களை உருவாக்குவதும் ரோட்டராக்ட் அமைப்பின் முக்கிய நோக்கங்களில் ஒன்றாகும் எனத் தெரிவித்தனர்.
மேலும், இந்தப் போட்டியை சாத்தியமாக்கிய லேக் வியூ டென்னிஸ் மைதான நிர்வாகத்திற்கும், போட்டியில் ஆர்வத்துடன் பங்கேற்கும் போட்டியாளர்களுக்கும் நன்றியைத் தெரிவித்தனர்.
ரோட்டராக்ட் கிராண்ட் ஸ்மாஷ் வெற்றிக்கான கோப்பையைப் பெறுவதற்கான போட்டியாக மட்டுமன்றி, மட்டக்களப்பில் விளையாட்டு சிறப்பையும் இளைஞர்களின் ஒற்றுமையையும் கொண்டாடும் நிகழ்வாக அமையும் என ஏற்பாட்டாளர்கள் தெரிவித்துள்ளனர்.
