அகில இலங்கை டென்னிஸ் சம்மேளனத்தினால் 10 வயதிற்குட்பட்ட மாணவர்களுக்காக நடத்தப்பட்ட Cool Tennis போட்டியில் மட்டக்களப்பு மாவட்டத்தைச் சேர்ந்த மாணவர்கள் தேசிய மட்டத்தில் சிறப்பான சாதனையைப் பதிவு செய்துள்ளனர்.
புனித மிக்கேல் கல்லூரி மாணவர்களான சேவோன் அவுட்ஸ்கோன் (Sheawon Outschoorn), சான்ரினோ ஆகியோர் முறையே Green Ball மற்றும் Red Ball பிரிவுகளில் தேசிய மட்டத்தில் முதல் இடத்தைப் பெற்றுள்ளனர்.
அதேவேளை, Eastern International School மாணவி மு. நர்மிதா, Orange Ball பிரிவில் தேசிய மட்டத்தில் முதல் இடத்தை பெற்று சாதனை படைத்துள்ளார்.
மேலும், சேவோன் அவுட்ஸ்கோன் மற்றும் ரிக்கி இணைந்து இரட்டையர் பிரிவில் காலிறுதிச் சுற்று (Quarterfinals) வரை முன்னேறியுள்ளனர்.
இச்சாதனைகளின் மூலம் மட்டக்களப்பு மாவட்டத்திற்கு பெருமை சேர்த்த மாணவர்களுக்கும், அவர்களுக்கு பயிற்சியளித்த Batticaloa Tennis Club பயிற்றுவிப்பாளர் இலட்சுமிசுந்தரம் அநிருத்தன் அவர்களுக்கும் வாழ்த்துக்களும் பாராட்டுக்களும் தெரிவிக்கப்பட்டுள்ளன.
