தமிழகத்தில் பா.ஜ.கவுடனான கூட்டணியை முறித்துக் கொண்ட நிலையில், அ.தி.முகவினருக்கு எதிராக கருத்து தெரிவிக்கக் கூடாது என பா.ஜ.க நிர்வாகிகளை கட்சி மேலிடம் கேட்டுக் கொண்டுள்ளது.
தமிழகத்தில் அ.தி.மு.க. – பா.ஜ.க. கூட்டணி முதன்முறையாக 1998 மக்களவைத் தேர்தலில் உருவானது.
அந்தக் கூட்டணி ஓராண்டு மட்டுமே நீடித்தது. மீண்டும் 2004 மக்களவைத் தேர்தலில் பா.ஜ.கவுடன் அ.தி.மு.க.
கூட்டணி அமைத்தது. அந்தத் தேர்தலில் தோல்வியே கிடைத்தது. இதனால், இனிமேல் பா.ஜ.கவுடன்
ஒருபோதும் கூட்டணி கிடையாது என அப்போதைய பொதுச் செயலாளர் ஜெயலலிதா அறிவித்தார். அதன்பின்னர் ஜெயலலிதா மறையும் வரை எந்தத் தேர்தலிலும் பா.ஜ.கவுடன் அ.தி.முக கூட்டணி அமைக்கவில்லை. தமிழகத்தில் 2014 ஆம் ஆண்டு நடந்த மக்களவைத் தேர்தலில் பிரச்சாரங்களில் பிரதமர் மோடியை ஜெயலலிதா கடுமையாக விமர்சனம் செய்தார். அந்தத் தேர்தலில் அ.தி.மு.க. பெரியளவில் வெற்றி பெற்றது.
ஜெயலலிதா மறைவுக்கு பின்னர் 2019 ஆம் ஆண்டு மக்களவைத் தேர்தலில் மீண்டும் அ.தி.மு.க. – பா.ஜ.க.
கூட்டணி உருவானது. 2021 ஆம் ஆண்டு சட்டப்பேரவைத் தேர்தலிலும் கூட்டணி தொடர்ந்தது. இந்த இரண்டு
தேர்தல்களிலும் தமிழகத்தில் அ.தி.மு.க. – பா.ஜ.க. கூட்டணி தோல்வியைச் சந்தித்தது.
தமிழத்தில் 2021 ஆம் ஆண்டு சட்டப்பேரவைத் தேர்தலுக்குப் பின்னர் பா.ஜ.க. மாநிலத் தலைவராக அண்ணா
மலை நியமிக்கப்பட்டார். அப்போது அ.தி.மு.கவில் ஓ.பன்னீர்செல்வம் ஓரங்கப்பட்டு எடப்பாடி பழனிச்சாமி ஒரே தலைமையாக உருவெடுத்தார். அதன் பின்னர் அ.தி.மு.க., பா.ஜ.க. இடையே அவ்வப்போது விரிசல் ஏற்பட்டு வந்தது.பல முறை இரு கட்சித் தலைவர்களும் வார்த்தைப் போரில் ஈடுபட்டனர். உச்சக் கட்டமாக ஜெயலலிதா குறித்தும், அண்ணா குறித்தும் அண்ணாமலை முன்வைத்த கருத்துகள் அதிமுகவில் கொந்தளிப்பை உருவாக்கியது. இதனால், பா.ஜ.க. தலைவர் பதவியில் இருந்து அண்ணாமலையை மாற்றும்
முயற்சியில் அ.தி.மு.க. தலைவர்கள் ஈடுபட்டனர். அதற்கு பா.ஜ.க. மேலிடம் ஒப்புக்கொள்ளவில்லை என தெரிவிக் கப்படுகிறது.
இந்தச் சூழலில் பா.ஜ.கவுடனான கூட்டணியை அ.தி.மு.க. முறித்துக் கொண்டுள்ளது. தமிழகத்தில்
மட்டுமல்ல, தேசிய அளவிலும் பா.ஜ.க. தலைமையிலான தேசிய ஜனநாயக கூட்டணியில் இருந்து வெளியேறுகிறோம் என்றும் மக்களவைத் தேர்தலில் மட்டு மல்ல, அடுத்து நடைபெறும் சட்டப் பேரவைத் தேர்தலிலும் பா.ஜ.கவுடன் கூட்டணி கிடையாது எனவும் அ.தி.மு.க. அறிவித்துள்ளது.
கூட்டணி முறிவு குறித்து தமிழக பா.ஜ.க. தலைவர்கள் வெளிப்படையாக கருத்து தெரிவிக்காமல் உள்ளனர். அண்ணாமலையிடம் கேட்டதற்கு, கட்சி மேலிடம்தான் பதில் சொல்லும் எனக் கூறிவிட்டார். அதேநேரத்தில் அ.தி.மு.க. – பா.ஜ.க. கூட்டணி முறிவை தமிழகம் முழுவதும் அ.தி.மு.கவினர் கொண்டாடி வருகின்றனர். சில இடங்களில் பா.ஜ.க வினரும் பட்டாசு வெடித்துள்ளனர். சமூக வலைதளங்களில் அ.தி.மு.கவினரும், பா.ஜ.கவினரும் கடுமையான வார்த்தைப் போரில் ஈடுபட்டு வருகின்றனர்.
இந்த நிலையில், கூட்டணி விவகாரத்தில் அ.தி.மு.கவினருக்கு எதிராக எந்தக் கருத்துக்களையும் தெரிவிக்கக்
கூடாது என பா.ஜ.கவினருக்கு உத்தர விடப்பட்டுள்ளது. இது தொடர்பாக பா.ஜ.கவின் அமைப்பு பொதுச் செயலாளர் கேசவவிநாயகம், கட்சியின் முக்கிய நிர்வாகிகளுடன் பேசியுள்ளார்.
